Í Signet er það sá sem sendir skjöl inn til undirritunar sem greiðir fyrir þjónustuna, sá sem er beðinn um að undirrita skjöl í Signet gerir það án þess að þurfa að greiða fyrir. Til að undirrita og/eða senda skjöl í Signet þarf viðkomandi að hafa netfang, íslenska kennitölu og gild íslensk rafræn skilríki.
Fyrir þá sem senda skjöl inn í Signet eru tveir áskriftamöguleikar, annars vegar mánaðarleg áskrift þar sem keypt er 50 eða 100 undirritanir á mánuði gegn mánaðargjaldi. Notkun umfram keypt magn er gjaldfært sérstaklega og kostar 250 kr án vsk hver umfram undirritun. Vannýtt magn færist ekki á milli mánaða og áskrift er ótímabundin og þarf að segja henni upp með því að senda tölvupóst á signet@signet.is, uppsögn tekur gildi á næsta tímabili ef uppsögn berst fyrir 21 dag mánaðarins, ef uppsögn berst síðar tekur uppsögn gildi á þar næsta tímabili.
Gjöld þessi ná ekki til gjalda sem Auðkenni tekur fyrir þjónustu sína. Til viðbótar við ofangreidd gjöld eru innheimt gjöld fyrir þjónustu Auðkennis vegna undirritunarbeiðna samkvæmt verðskrá Auðkennis sem er að finna á heimasíðu Auðkennis.
Ef óskað er frekari upplýsinga skal senda tölvupóst á signet@signet.is